ENERO 6, 2020 – Gi-saysay ni Mayor “Poling” Lorenzo nga nahimong malinawon og hapsay ang pagsaulog sa pasko sa Quezon kay walay nahitabong gubot, o disgrasya sa motor o sa pabuto.

Matod pa sa report sa Municipal Health Office ug sa Public Safety Department, dako ang pag-kunhod sa mga kaso sa mga nasamdan gumikan sa firework-related ug traffic incidents, apan wala gi-bawal ang pagpalit ug pagpabusikad sa maong fireworks.

Gibutyag sab ni Mayor Lorenzo nga usa sa hinungdan sa kalinaw sa Quezon ang pagkunhod usab sa pwersa sa insurgency sa lungsod. Matod niya, walay nasayran nga kalihokan sa bando sa rebelde sa panahon sa Kapaskohan.

Magsumikad ang kalamboan sa makanunayon nga kalinaw. Kung walay masinati nga bahad sa kinabuhi, makab-ot sa katawhan ang mga higayon sa pag-asenso ug kalipay.