SETYEMBRE 6, 2021 – Mao kini ang kasamtangang sitwasyon sa Purok 1 ug Purok 3, Brgy. Linabo, Quezon, Bukidnon human sa nahitabong pagdahili sa yuta sa maong lugar banda alas 10 sa milabayng gabii.

Gibisitahan sa atong Municipal Social Welfare Development Office (MSWDO) ug Municipal Mayor’s Office (MMO) ang lugar aron masubay ang kahimtang niini, ug ayudahan ang biktima sa landslide.

Miabot sa ato ang report nga natabonan sa yuta ang usa ka balay P-3, Linabo tungod sa maong kakulian. Girespondehan dayon kini sa personahe sa Municipal Disaster Risk Reduction and Management Office (MDRRMO), 3rd Infantry Battalion, Quezon Municipal Police Station, ug mga personahe sa Brgy. Linabo, apan ang ilang padre de pamilya lang ang nakaluwas sa trahedya, samtang nipanaw ang duha ka kapamilya niya.

Matod usab sa atong imbestigasyon, ang maong balay nahimutang sa usa ka landslide-prone area.

Gipahimangnoan ang publiko nga magamping ilabi na karon nga tig-ulan. Kung adunay kakulian, mahimong tawagan ang hotline sa atong Municipal Disaster Risk Reduction and Management Office (MDRRMO): #0917-844-0397