MAYO 18, 2020 – Mapagarbohon nga gitimbaya sa mga lumilihok sa Department of Social Welfare and Development (DSWD) ug sa lokal nga gobyerno sa Quezon, Bukidnon ang duha ka Senior Citizens nga mitungtong sa pang-edaron nga 100, o gikaingon nga CENTENARIANS, gumikan sa ilang malinawon, malipayon, ug himsog nga pamuyo.

Matod pa nila, ang sikreto sa ilang taas nga kinabuhi mao ang pagkaon sa utan ug isda nga asin ang timpla ug walay bitsin nga gisagol.

Nagpasalamat ang pamilya sa maong mga senior sa gobyerno sa gihatag niining ayuda, gumikan kay dako kaayo kini nga tabang sa pagpalit sa pagkaon, gatas, tambal, ug uban pang adlaw-adlaw nga panginahanglanon.