HULYO 23, 2021 – Mapasalamaton ang lokal nga panggamhanan sa Quezon, Bukidnon ngadto sa gobyerno sa United States of America, sa ilang gidonar nga single-dose Janssen COVID-19 vaccines.

Sulod sa 3.2 million nga doses nga gihatag sa nasod, 2,550 ka dose ang nadawat sa lungsod sa Quezon. Kini pagagamiton alang sa A2 (senior citizens) ug A3 (persons with co-morbidities) priority groups.

Ang bakuna nga Janssen hinimo sa Johnson & Johnson, usa ka pharmaceutical company sa USA. Isa lamang ka dose sa Janssen vaccine ang gikinahanglan aron mahimong fully vaccinated.

Kini nga donasyon usa ka dakong tabang sa atong tinguha nga makab-ot na ang herd immunity, ug ang pagbalik sa normal nga pagpanginabuhi kanatong tanan.

Ipahigayon ang pagbakuna sa Janssen vaccine dinhi sa lungsod sugod karong adlaw, Hulyo 23, 2021, hangtod Martes, Hulyo 27, 2021, apil ang adlaw’ng Sabado ug Dominggo.