SETYEMBRE 14, 2020 – Mapasalamaton ang lokal nga panggamhanan sa Quezon, Bukidnon sa pondo nga P22M gikan kay Bukidnon Provincial Governor Jose Ma. Zubiri. Kini nga pondo usa ka dakong gasa alang sa pag-uswag sa lungsod.

Gamiton kining maong pondo alang sa padayon nga pagtukod sa Quezon Community Hospital, nga mahimong isa ka duolanan ilabi na sa mga indigent nga adunay balatian.

Ang maong Community Hospital mahimong parte sa usa ka kasaligan ug epektibo nga sistema sa maayong panglawas.

Kini nga inisiyatibo gipaninguhaan ni Mayor “Poling” Lorenzo aron nga dili mahurot sa panambal ang kwarta nga gipaningkamotan sa katawhan.