HUNYO 24, 2021 – Mapasalamaton ang Quezon, Bukidnon nga gipangulohan ni Mayor Pablo Lorenzo III, tungod sa gidala ni 3rd District Representative Manuel “Manoy” Zubiri nga mga proyekto dinhi sa lungsod ug kasaligan sab siya alang sa atong kaugmaon ug kapaingnan.

Kini atol sa pagturnover sa dugang duha ka building nga naay upat ka classrooms sa Busco Central Elem. School; ug Covered Court sa Brgy. Manuto ug Santa Cruz, Quezon, Bukidnon. 

Gipa-ambit dinhi ni Cong. Zubiri nga daghan pa nga mga proyekto ang iyang ihatod sa katawhan sama sa dalan, tubig, balay, kuryente, ug mga livelihood programs kay nakita niya nga mas gikinahanglan. Iya usab gipaabot nga patas ang iyang pagserbisyo alang sa tanan ug panigurohon nga mahatag ang mas kinahanglan alang sa maayong kaugmaon.

Gitambungan kini ni Cong. Zubiri, inubanan ni Bukidnon 3rd District Board Members Benito “Ben” Baguio, Minerva “Bing-bing” Casinabe, ug Joseph “Dodo” Palmada; Mayor Pablo “Poling” Lorenzo III kauban si Hon. Nilo Bardon, Hon. Clyde Joseph Baguio, ug Hon. Robert T. Gue sa14th Sangguniang Bayan; ug mga personahe sa Department of Public Works and Highways (DPWH).