SETYEMBRE 15, 2021 – Mapasalamatong gidawat sa lokal nga panggamhanan sa Quezon, Bukidnon ang tabang pinansyal nga P5M gikan sa Probinsiya sa Bukidnon, alang sa padayon nga pagpakigbatok sa pandemya sa COVID-19.

Personal nga mitungha si Bukidnon Vice Gov. Rogelio Quiño, inubanan ni Board Member Joseph Palmada, sa atong buhatan aron itunol kini nga ayuda, nga gamiton para sa pagpalit sa dugang tambal, Personal Protective Equipment (PPE), suplay sa oxygen, ug mga hospital equipment.

Matod ni Vice Gov. Quiño, naningkamot si Gov. Jose Ma. R. Zubiri, Jr. nga mahatag dayon kini nga pondo sa matag lungsod ug siyudad sa Bukidnon aron masuportahan ang tanan sa atong pag-atubang sa bahad nga dala niining sakit.

Kini nga subsidy usa ka dakong tabang kanato, ilabi na karon nga padayong gakaylap ang virus.