HULYO 31, 2019 – Sa gipahigayon nga Public Consultation para sa mga gapamaligya sa nagkadaiyang produkto ug sa mga drayber sa pampublikong sakyanan, gipadangat sa katawhan kay Mayor Poling Lorenzo ang ilang mga molo, sugyot, ug suhestyon bahin sa merkado ug
public transportation.

Atol sa nilabay nga Public Consultation uban sa mga konsumante, gi-uyonan sa labay sa 800 ka tawo nga ni tambong gusto sila og usa ka merkado nga adunay kumpleto, limpyo, ug lab-as nga
mga produkto.

Gipa-ambit usab sa mga drayber sa bao-bao, habal-habal, ug motorela ang ilang mga kasinatian sa pag-panginabuhi isip motorista.

Gipaminawan ni Mayor Lorenzo ang tanan mga mensahe gikan sa mga ni-tambong, ug gipahibalo niya ang katawhan nga iyang hatagan og konsiderasyon ang tanan nga gi-hisgotan sa mga mi-agi nga panaghisgot uban ang nagkadaiyang sektor alang sa insaktong pagplano sa
merkado ug sistema sa pampublikong sakayan.

Kahinumdoman nga sa una pa lamang nga bulan sa administrasyong Lorenzo, aduna nay panag-hisgot uban ang mga commuters nga gipa-higayon, ug gipa-tuman ang pagpa-hapsay sa dalan nga gika-hinaman sa katawhan.