Gipaminawan ni Mayor Poling Lorenzo ang katawhan sa Quezon, Bukidnon kabahin sa mga panginahanglanon sa merkado ug sa pampublikong sakayan sa gipahigayon nga Public Consultation, sa Fitness and Wellness Center.

Gipadayag sa katawhan sa nagkadaiyang barangay nga gusto sila og usa ka merkado kung diin kumpleto, lab-as, limpyo, ug barato ang mga produkto.

Gi-dugang ni Mayor Lorenzo nga mao kini ang makapa-dasig sa mga konsumante nga mo-palit dinhi, imbis nga mo-adto pa sa uban pang layo nga merkado. Pinaagi sa pag-lambo sa mga lokal nga negosyo, mo-uswag usab ang ekonomiya sa Quezon.

Kabahin sa transportasyon, gi-butyag usab sa mga ni-tambong ang ilang mga reklamo og hangyo, ilabi na sa pletehan sa pag-karga sa produkto sa layo nga mga barangay, ug sa sitwasyon sa trapiko, sama sa pag-maneho sa mga menor de edad, ug kakulangon sa kahibalo sa balaod-trapiko.

Aduna pay sumusunod nga diyalogo tali ang lokal nga panggamhanan ug ang market vendors, peddlers, ug mga drayber ug operator sa Public Utility Vehicles.

#MayorNaTO