AGOSTO 27, 2019 – Sa iyang pakig-himamat sa Sangguniang Kabataan Federation sa Quezon, Bukidnon nga gipangunahan ni Hon. Leze John Adam Densing, nanawagan si Mayor “Poling” Lorenzo sa pag-tuki sa mga problema sa kabatan-onan sa kabarangayan, alang sa insakto nga pag-alima ug pagpa-uswag.

Matod pa ni Mayor Lorenzo, usa sa dakong problema sa lungsod ang edukasyon, busa angay nga mo-abag ang SK alang sa dugang kasayuran sa kasinatian sa mga estudyante.

Iya usab gi-awhag nga kung adunay masayran ang mga opisyales nga mga problema sa matag-barangay, pwede nila i-diretso ang ilang mga molo sa iya.

Pinaagi sa pakiglambigit ug insaktong pag-umol sa kabatan-onan, mahimong mahatagan sila og mas daghan nga higayon nga mu-lambo, ug ma-siguro ang maayong kaugmaon sa lungsod.