SETYEMBRE 10, 2019 – Aprubado na sa Municipal Disaster Risk Reduction Management Council (MDRRMC), nga gipangulohan ni Mayor “Poling” Lorenzo, ang pondo para sa pag-himo sa duha ka footbridge sa Kolampeon, Brgy. Paitan ug sa Sitio Maya-maya, Brgy. Magsaysay.

Mu-balor P2.5M ang maong pagpatukod sa duha ka tulay, nga ga-agihan sa mga estudyante sa pangadlaw-adlaw. Kahinumdoman nga ikapila na naguba tungod sa bagyo ang maong mga tulay, nga gi-himo gamit sa kawayan.

Atol kini sa gipahigayon nga quarterly council meeting, kung diin gi-hisgotan usab ang pag-tuki sa mga benepisyaryo sa 18,000 ka seedlings nga ipangapod-apod alang sa reforestation sa pinili nga lugar sa Quezon, Bukidnon.