AGOSTO 22, 2019 – Sa gipahigayon nga dialogue tali sa mga miyembro sa pamilyang Mandanuay ug katawhan sa Brgy. Salawagan, gi-hatagan og kalinawan ang isyu bahin sa pangayaw nga kuno gisugdan sa maong barangay.

Matod pa sa IPMR sa Brgy. Linabo nga si Datu Eddie Mandanuay, walay katuyoan ang Mandanuay clan nga ipanimalos ang kamatayon sa ilang paryente kaniadtong miaging semana.

Gi-uyonan kini sa tribal leader sa Linabo nga si Datu Dondoy Mandanuay, ug Brgy. Kagawad Nancy Mandanuay.

Gi-abagan usab sa lideres sa Brgy. Salawagan, uban ang kapulisan ug kasundalohan ang maong pagpulong-pulong, ug ilang gipa-dayag ang ilang mga paningkamot alang sa pagpatigbabaw sa kahapsay ug kalinaw sa kabarangayan sa Quezon, Bukidnon.