PHOTOS: Miduyog ang lokal nga panggamhanan sa Quezon, Bukidnon sa tulo (3) ka adlaw nga Peace Building Seminar, nga gipangunahan sa 3rd Infantry Batallion (3IB). Kini nga seminar gipahigayon sa Brgy. Minongan.

Ang maong seminar gipahigayon sa tumong nga matin-awan ang mag kanhi sakop ug kaalyado sa mga komunistang rebelde nga mitahan na, sa tahas sa gobyerno sa pagsiguro sa ilang paglambo ug malinawon nga pamuyo uban ang ilang pamilya.

Gitambongan kini sa Municipal Social Welfare and Development Office (MSWDO), Department of Agrarian Reform (DAR), Municipal Civil Registrar (MCR), Municipal Livelihood Office, Public Employment Service Office (PESO), Technical Education and Skills Development Authority (TESDA), Philippine National Police (PNP), Department of the Interior and Local Government (DILG), National Commission on Indigenous Peoples (NCIP), ug uban pa.

Nakadawat usab og ayuda nga foodpacks gikan sa nagkadaiyang mga opisina sa munisipyo ang mga mitungha nga former rebels. Aduna sab gipangapod-apod nga facemask.

Ang kalamboan sa atong komunidad magsumikad sa kalinaw niini. Kung kita makalihok ug makapanginabuhi nga walay pagduha-duha, sigurado kitang moasenso ug makapamuyo nga haruhay.