MIKUNHOD NA ANG MALNUTRISYON SA QUEZON!

Sumala sa datos sa Municipal Nutrition Office (MNO) gikan 2018 hangtod 2021, mikunhod ang ihap sa mga bata nga nakasinati sa malnutrisyon sa lungsod nato.

Anaa nalang sa 10% ang stunting (minus sa gitas-on base sa edad), 3.6% ang underweight (minus sa timbang base sa edad), ug 1.9% ang wasting (minus sa timbang base sa gitas-on), samtang nagkadaghan ang gitimbang ug gisukod nga mga bata matag tuig.

Kini nagpamatuod nga epektibo ang mga lakang sa nutrisyon nga gipatuman ni Mayor Poling Lorenzo, sukad kaniadtong termino niya isip Bise Mayor. Gitinguha nato nga matagaan og insaktong nutrisyon ang atong kabataan pinaagi sa paghatag og masustansya nga mga pagkaon. Isa niini ang pagpangapod-apod sa mga protein-rich nga mga utanon sa kabarangayan, nga gigamit aron itanom sa mga household gardens ug sa mga feeding program.

Gisiguro gayud nato nga mahimong himsog ang mga bata pinaagi sa mga programa sa nutrisyon aron ang kabataan mahimong TALLER, BIGGER, STRONGER, ug SMARTER aron matagamtam nila ang COMPETITIVE ADVANTAGE. Kini lakip sa atong tinguha nga makatagamtam og KALINAW, KAHIGAYUNAN, KAHIMSOG, ug KALIPAY ang katawhan sa Quezon, Bukidnon.