HULYO 6, 2020 – Mipadayag ang 14th Sangguniang Bayan nga gipangulohan ni Vice Mayor Joseph Durotan, Sr., sa kasubo niini sa pagpanaw sa usa nila ka miyembro nga si Municipal Indigenous Peoples Mandatory Representative (IPMR) Hon. Datu Eladio Lilawan, Sr., pinaagi sa pagpasa sa usa ka resolusyon nga nag-ila sa iyang mga kontribusyon sa lungsod sa Quezon, ilabi na sa pagserbisyo sa mga lumulupyong Manobo.

Ila usab gipaabot ang ilang pahasubo para sa kaliwatan ni Datu Lilawan.

Naka half-mast usab ang bandila sa Pilipinas nga nahimutang sa atubangan sa munisipyo, timaan sa kasubo sa lokal panggamhanan sa pagpanaw ni Hon. Datu Lilawan.