MARSO 2, 2020 – Gipadayag ni Mayor “Poling” Lorenzo nga ga-arangkada na ang rehabilitation sa Public Market ug ang pag-tukod sa Quezon Community Hospital sa gipahigayon nga Monthly Convocation Program.

Kahinumdoman nga gipadayag sa katawhan sa gipahigayon nga Public Consultation kaniadtong Hulyo 2019 ang ilang pangandoy nga adunay dako ug limpyo nga merkado kung diin masinati ang nagkadaiya ug barato nga produkto.

Mahimong ma-tigom sa maong Public Market sa Libertad ang mga mamalligyaay sa dry and wet goods haron nga mahimo kining malamboon.

Dugay na usab nga gipa-dayag ni Mayor Lorenzo ang iyang plano nga magtukod ug usa ka sistema sa maayong panglawas nga kasaligan ug epektibo, nga dili makahurot sa pondo sa mga indigent na pasyente, busa gitukod ang Quezon Community Hospital, kung diin mahimong sutaon sa mga doktor ang mga pasyente ug maka-desisyon kini sa panambal nga gikinahanglan.

Sa maong higayon, gi-dayeg ni Vice Mayor Joseph Durotan si Mayor Lorenzo sa mga dagkong agi niini isip amahan sa lungsod. Iya usab gipadayag ang kabililhon sa pagpaminaw sa katawhan haron nga masuta ang mga panginahanglanon niini.

Apil usab sa maong Monthly Convocation ang launching sa Women’s Month ug sa Fire Safety Month.