SETYEMBRE 7, 2020 – Atol sa kasaulogan sa Civil Service Month, gi-dasig sa mga pinili nga opisyales sa lungsod sa Quezon, Bukidnon ang mga personahe sa gobyerno nga ihatag ang insakto nga serbisyo sa katawhan dili lamang isip mga empleyado, kung dili mga public servant.

Gipadayag ni Mayor “Poling” Lorenzo nga, taliwala sa bahad sa COVID-19, nag-arangkada usab ang lokal nga gobyerno aron mapadayon ang paglambo sa lungsod, ilabi na sa pagpatuman sa mga proyekto ug programa alang sa kaayohan sa tanan.

Matod usab niya, angay huna-hunaon sa tanan mga lumilihok sa munisipyo nga apil sila sa pagkab-ot niining mga kalampusan.