SETYEMBRE 9, 2019 – Sa Monthly Convocation para sa bulan nga Setyembre, gi-butyag ni Mayor “Poling” Lorenzo nga andam na ang pondo nga P10M alang sa rehabilitation sa Public Market sa Quezon, Bukidnon.

Kahinumdoman nga gi-awhag sa katawhan ang ka-bililhon sa usa ka merkado nga hinglo ug dako, kung diin mapalit ang nagkadaiyang produkto sa barato nga presyo.

Gumikan sa mga kalampusan sa unang duha ka bulan sa administrasyon, gi-timbaya ni Mayor Lorenzo ang Municipal Health Office sa pagpa-kunhod sa kaso sa dengue sa lungsod, ang Traffic Management Group sa nasinatiang pagpa-hapsay sa ka-dalanan, ug ang Municipal Electrical Consumption Review Team sa pag-tuki sa sitwasyon sa kuryente sa munisipyo.

Gi-timbaya usab ni Mayor Lorenzo ang munisipyo sa Quezon, gumikan sa pag-angkon sa pipila ka pasidungog. Naka-daog ang Quezon isip Grand Champion sa Palarong Panlalawigan, 3rd Place isip Cleanest and Greenest Municipality, ug 2nd Place sa Collection Efficiency sa tibuok Region X. Sa duha pa lamang ka bulan sa serbisyo, nag-arangkada na ang administrasyong Lorenzo sa nagkadaiyang kalihokan ug kalampusan. Padayon pa kini alang sa pagkab-ot sa maayong kaugmaon nga gipangandoy sa katawhan sa Quezon, Bukidnon.