DISYEMBRE 16, 2019 – Nasikop sa kapulisan ang siyam ka menor de edad, siyam hangtod sa 15 anyos sa pang-edaron, nga nalambigit sa pagpang-lungkab ug pagpangawat, ug ila kining gi-turnover sa Municipal Social Welfare Development Office (MSWDO) nga gipangunahan ni Ms. Wena Pagayon alang sa counselling ug profiling.

Nasuta sa MSWDO nga taga Butuan ang duha sa mga nasikop nga kabatan-onan. Matod pa nila, nagka-ilhanay ang maong grupo sa mga batang lalaki pinaagi sa Facebook.

Nasayran usab nga aduna nay record sa carnapping ug balik-balik nga pag-pangawat pipila sa mga bata.

Gi-patawag sa MSWDO ang mga ginikanan sa maong mga bata, haron nga ipahibalo sila sa ilang mga obligasyon isip nagpadako. Makig-alayon usab ang LGU sa Quezon, Bukidnon sa lokal nga gobyerno sa Butuan haron nga makauli ang duha ka bata sa ilang pinuy-anan.