AGOSTO 13, 2020 – Sa tumong nga mapa lambo ang kalidad sa panglawas sa mga lumulupyo sa lungsod sa Quezon, Bukidnon, taliwala sa nagpadayon nga bahad sa COVID-19, wala gipasagdaan sa local nga panggamhanan ang ubang mga sakit nga nagkuyanap, sama sa schistomiasis.

Atol sa nahitabong Municipal Schistosomiasis Task Force Meeting, gisuta ang mga lakang nga gihimo sa mga nasayran nga schistosomiasis infected areas sa Brgy. Butong, Lumintao, ug Paitan. Gituki usab ang mga pamaagi alang sa padayon nga pagpakgang sa sakit.

Gitambongan nila Department of Health (DOH) Region X Vector Borne Disease Cluster Medical Officer IV Dr. Wellaflor Brito, Provincial Health Office (PHO) OIC Dr. Gary Guido Tabios III, Quezon Municipal Mayor “Poling” Lorenzo, ug ang Quezon Municipal Health Office (MHO) nga gipangunahan ni OIC Dr. Lea Paula Catalan, ug mga opisyales sa mga barangay nga nalambigit sa maong inisyatibo.

Gikalipay sa mga opisyales ang hugot nga suporta sa lokal nga gobyerno sa Quezon, Bukidnon sa mga programa sa maayong panglawas.