MARSO 22, 2021 – Nagpadayon ang pagbakuna sa atong frontliners batok sa COVID-19!

Karong adlaw, nakadawat sa unang dose sa bakuna nga AstraZeneca ang mga midwife ug Barangay Health Workers (BHW) sa Brgy. Lumintao, Butong, Paitan, Kipaypayon, Dumalama, Poblacion, Libertad, Sta. Cruz, ug San Roque, inubanan sa mga emergency responders ug uban pang frontline staff sa Quezon, Bukidnon.

Sa karon mokabat na sa 188 ka frontliners sa Quezon ang nakadawat na sa unang dose sa bakuna.

Kini timailhan nga nibarog ang atong mga health workers aron dili na mabalaka nga magpabakuna ang ilang kasilinganan ug mahimong protektado ang tanan sa bahad sa COVID-19.

Pinaagi niini padayon ang pagserbisyo sa mga frontliners ngadto sa katawhan, ilabi na kay protektado na ang ilang kaugalingon ug mapanalipdan ang ilang mga pamilya sa sakit.

Mahimong mopaspas usab ang pagbalik sa atong normal nga pagpanginabuhi pinaagi sa pagpabakuna.