AGOSTO 7, 2020 – Sa tumong nga mapahingusgan ang pagpangandam sa pagpakigbatok sa COVID-19, nagpahigayon ang lokal nga gobyerno sa Quezon, Bukidnon pinaagi sa Municipal Health Office og usa ka training alang sa Specimen Collection for COVID-19 aron ma hatagan sa tukmang kapasidad ang mga doktor, nurse, ug medical technician nga mopahigayon sa RT-PCR test ug rapid test for antibodies.

Masuta ang presensya sa virus sa lawas pinaagi lamang sa RT-PCR o swab test, samtang ang rapid test for antibodies mopadayag lamang nga adunay nasinati nga balatian ang tawo.

Gipa-ambit usab si Mayor “Poling” Lorenzo sa iyang kalipay og pasalamat atol sa malampusong kalihokan. Matod pa niya, alayon kini sa tinguha sa Lungsod sa Quezon nga ma preparar ang mga healthcare personel nunot sa padayong bahad sa COVID-19 pandemic.

Gipahigayon ang aktwal nga pag lusad sa swab ug rapid test ubos sa pag giya sa mga personahe gikan sa Department of Health (DOH) ug sa Provincial Health Office (PHO).

Sa pagkakaron aduna nay 26 ka mga healthcare personnel ang Lungsod sa Quezon nga andam na ug aduna nay kapasidad nga mopahigayon og mga tests.