NAGSADYA ANG ATONG MGA SENIORS SA BRGY. KIPAYPAYON, MAGSAYSAY, LUMINTAO, MANUTO, POBLACION, UG SAN JOSE, QUEZON, BUKIDNON!

Dili gayud kabayran ang kalipay sa atong mga lolo ug lola tungod sa mga pahalipay, premyo, ug panahon nga gibubo ngadto nila atol sa kasaulogan sa Senior Citizens Month.

Malipayon nilang gidawat ang mga raffle prizes sama sa cash, foam, thermos, unlan, ug water dispenser nga gibunot kaniadtong Oktubre 1, 2021. Midawat usab sila og food packs ug t-shirt.

Kini nga kalihokan gipasiugda ni Mayor Poling Lorenzo isip pagtimbaya ug pagpaabot sa pasalamat ug pagpalangga ngadto sa atong katigulangan.

Maabtikon usab nga niapil sa maong kalingawan sila Vice Mayor Joseph Durotan, Councilors Jay Areja, Clyde Baguio, Nilo Bardon, Jomic Fortich, ug Titit Leonardo; kanhi konsehales Flor Perpetua ug Corazon Baculina; ug Brgy. Libertad Chairwoman Epion Mingo.