MAYO 11, 2020 – Nakighiusa si Mayor “Poling” Lorenzo sa Sangguniang Bayan sa Quezon, Bukidnon nga gipangunahan ni Vice Mayor Joseph Durotan sa tumong nga ipadayon ang mga lakang isip paglikay sa COVID-19, bisan pa man mahuman na ang General Community Quarantine period karong Mayo 15.

Gi-hangyo ug gi-konsulta ni Mayor Lorenzo si Vice Mayor Durotan ug ang mga konsehales sa pagpanday sa resolution nga manalipod sa mga tawo sa bahad sa COVID-19, ug sa pagpugong sa pagkuyanap sa virus kung makasulod man kini sa lungsod.

Kahinumdoman nga gisulod sa GCQ ang tibuok Probinsiya sa Bukidnon isip usa ka Low Risk Area hangtod karong Mayo 15.

Kanunay nangandam ang lokal nga gobyerno sa Quezon, Bukidnon aron dili makasala og perwisyo sa daghang tawo ang maong sakit, ug matagamtam sa tanan ang siguradong panginabuhi.