HUNYO 11, 2021- Nanumpa sa pagdawat sa katungdanan si Municipal Councilor Clyde Joseph Baguio, isip pagpuno sa pwesto nga nabakantehan sa mipanaw nga si Hon. Restituto “Rey” Baguio.

Si Councilor Clyde Baguio usa ka Certified Public Accountant (CPA). Nanarbaho siya sa usa ka prestihiyoso nga kumpanya gikan 2018 hangtod karong tuig, sa wala pa siya nagsugod pagserbisyo dinhi sa lungsod.

Kaniadtong Marso 2018, migradwar siya sa Xavier University – Ateneo de Cagayan kaniadtong sa kursong Bachelor of Science in Accountancy, diin mibarog siya isip Vice President for Audit sa Junior Philippine Institute for Accountants (XU-JPIA) ug year level representative.

Nagserbisyo usab si Councilor Clyde Baguio isip President sa Aktibong Kabatan-onan sa Quezon (Poblacion) kaniadtong 2019.

Karong adlaw, opisyal niyang gidawat ang iyang katungdanan aron makaserbisyo siya sa katawhan sa Quezon, Bukidnon isip usa ka miyembro sa konseho.

Gi-administer ni Mayor “Poling” Lorenzo ang pagpanumpa ni Councilor Baguio, sa presensya sa 14th Sangguniang Bayan nga gipangulohan ni Vice Mayor Joseph Durotan, Sr.