DISYEMBRE 5, 2019 – Nasuta nga adunay lima (5) ka gagmay nga bata nga angay na gyud i-confine sa hospital, segun sa pag-checkup sa mga doctor sa Munisipyo sa Quezon ug Kitaotao.

Kagustuhan sa mga ginikanan nga ipa-admit ang maong mga bata, apan gibutyag nila nga kinahanglan pa nila nag pagtugot sa pipila ka wala mailhi nga indibidwal nga naa sa sulod sa compound sa Iglesia Filipina Independiente (IFI) sa Kitaotao, Bukidnon.

Gibisitahan pag usab sa lokal nga panggamhanan sa Quezon ug Kitaotao ang maong mga two nga gikan sa Sitio Dumasilag, Brgy. Sta. Felomina, Quezon atol sa gi-sabotan sa miaging adlaw, nga ila nang ipa-checkup ang mga menor de edad.

Gi-hatagan usab og food packs ug tambal ang maong mga pamilya, haron lamang sa pag-tubag sa ilang panginahanglanon.

Kahinumdoman nga gipugngan ang mga personahe sa LGU Quezon ug Kitaotao sa pag-hatag sa hinabang sa mga Lumadnong pamilya human nga gi-babagan sila sa mga wala nailhan nga indibidwal kaniadtong Dec. 3.

Segun sa pag-suta sa opisyales sa Brgy. Sta. Felomina, sa tulo (3) nga mi-barog nga tribal datu, usa lamang ang tinuod nga datu. Dili residente sa Sitio Dumasilag ang usa niini, samtang ang usa nagpa-aron ignon nga tribal datu bisan pa man nga ang iya lamang amahan ang maong lider sa tribu.