SETYEMBRE 22, 2021 – NIABOT NA!

Pagasugdan na ang pagsemento sa 2.3 Km 6-lane nga dalan sa Brgy. Poblacion, Quezon, Bukidnon. Mao kini ang gipaabot sa mga personahe sa Department of Public Works and Highways (DPWH) atol sa ilahang pagbisita sa lungsod.

Kini nga proyekto gipondohan sa national nga gobyerno pinaagi sa DPWH sa kantidad nga Php139,872,000.

Mapasalamaton gayud ang katawhan sa Quezon nga niabot na ang dugay ra  gipangandoy ug gipangandaman sa tanan kay dakong tabang kini sa gausbong nga ekonomiya sa lungsod.

Kahinumduman nga gisugdan ang road clearing operation kaniadtong tuig 2019 diin nagtinabangay ang lokal nga panggamhanan ug katawhan sa paghawan sa mga obstruction isip andam sa ipatuman nga pagpalapad sa dalan.

Pagka 2020, nadawat nato ang pasidungog sa Department of Interior and Local Government (DILG) sa atong pagpatuman sa road clearing, kung diin nakuha nato ang rating nga 96%.

Usa sa timaan sa malambuon nga lungsod ang hapsay ug lapad nga dalan, kung diin mahimong malinawon ug luwasnon ang pagbyahe dinhi.