SETYEMBRE 16, 2019 – Gikalipay sa katawhan sa Brgy. Magsaysay, Sitio Kipolot sa Brgy. Palacapao, ug Brgy. Sta. Cruz ang pag-abri sa tulo (3) ka Integrated Public Schools. Pinaagi niini, aduna nay higayon ang mga batan-on niining mga barrio nga mu-skwela.

Gi-pangunahan ni Mayor Poling Lorenzo, inubanan ni Councilor Jay Areja, DepEd District Supervisors Dr. Elizabeth Postrano, Dr. Evelyn Caballes, ug Dr. Vicente Garciano, ug si Kipolot Integrated School Principal Marites Aguilar, Sta. Cruz Integrated School Principal Manuel Mabalo, ug Magsaysay Integrated School Principal Mario Hernane.

Gi-awhag ug usab ni Mayor Lorenzo ang importansya sa pag-eskwela alang sa pag-siguro sa maayong ugma sa batan-on. Matod pa niya, iyang gipangandoy nga mahimong mas maalam, himsog, taas, ug hanas ang mga batan-on alang sa pagkab-ot sa gi-tawag nga “competitive advantage”.

Pinaagi niining “competitive advantage”, mahimong mo-daghan ang higayon sa batan-on nga mu-lambo.