AGOSTO 4, 2020 – “Ang panahon dili ga atras, ug sa pag abante niini, dungan usab sa pag-abante ang mga Lumad.”

Kini ang giluwatang pahayag ni Mayor “Poling” Lorenzo atol sa Ordination Ceremony ni Datu Ryan D. Anglao sa pag hulip niini sa katungdanan sa iyahang amahan nga si Datu Carlito T. Anglao isip Tribal Chieftain sa Quemtras, nga nahimutang sa Brgy. Butong, Quezon, Bukidnon.

Gipadayag usab ni Mayor Lorenzo ang iyahang kalipay ug mga panghinaot sa mga bag-ong liderato nga makahatag ug kalambuan sa mga umaabot nga henerasyon.

Alayon niini, gipunto ni Mayor Lorenzo ang kabililhon sa kahibalo isip dalan ug sinugdanan sa kalambuan, hinungdan nga gihingusgan sa lokal nga panggamahan sa Quezon nga mapadayon ang pagtuon taliwala sa padayung bahad sa COVID-19 aron matagaan ang mga kabatan-onan og dugang higayon nga molambo.