NOBYEMBRE 19, 2020 – Gidasig ni Mayor “Poling” Lorenzo ang mga Volunteer Tutors nga tagaan ang learners og mahinungdanon nga pagtulun-an nga makatabang sa pagkab-ot sa ilang competitive advantage para sa ilang maayong kaugmaon. 

Atol kini sa gipahigayong orientation sa Kaabag sa PagSKwela Tutorial Program, programa sa Sangguniang Kabataan Federation nga gipangunahan ni Hon. Leze John Adam Densing, inubanan sa lokal nga panggamhanan sa Quezon ug Department of Education (DepEd). 

Kini nga programa gimugna isip pagtubag sa panginahanglanon sa mga ginikanan ug mga kabataan nga mapadayon ang ilang pagtuon taliwala sa gisagubang nga pandemya. 

Sa maong programa, adunay mga Volunteer Tutors nga migraduate sa Education nga kurso o nipasar sa Licensure Exam for Teachers (LET), gitahasan nga moabag sa mga ginikanan aron makapadayon sa pagtuon ang ilang mga anak nga dili mapugngan ang ilang pagpanginabuhi.

Maka-angkon ang maong mga Volunteer Tutors nga giapil sa maong programa og service credits alang sa ilang pagpanerbisyo.

Atol sa nasinati nga pandemya, usab ang mga Volunteer Tutors nga batunan ang pagpakabana ug ang insaktong mga pamaagi aron malikayan ang pagkuyanap sa COVID-19, pinaagi sa pagPALAYO, TABON, HUGAS, ug HINLO, ilabi na isip mga public servants.

Gitambongan sab kini ni Dr. Elbert Francisco, Chief Education Supervisor – DepEd Curriculum Implementation Division; Dr. Wendell C. Catam-isan, Education Program Supervisor for Social Studies; Quezon District I Supervisor Dr. Rolando Acoriba; Dr. Lea Catalan, OIC – Quezon Municipal Health Office; ug ni Engr. Xian Louis Patrick Arcayera, Quezon Local Youth Development Officer (LYDO).