PHOTOS: Padayon ang pagsemento sa farm to market nga dalan nga nagkonektar sa Brgy. Salawagan padulong sa Quezon Central Market sa Brgy. Libertad. 

Gihimo kini aron ipalambo ang ekonomiya sa lungsod ug aron dili na maglisod sa pagpagawas ang mga mag-uuma sa ilang produkto padulong sa merkado. Pinaagi niini, matagaan sila og inspirasyon nga maningkamot ilabi na kay gamay nalang ang pursyento nga madaot ilang mga produkto tungod kay haruhay na ang pag-agi sa dalan.

Gisemento kini pinaagi sa pagkoordinar sa lokal nga panggamhanan sa Quezon ug Department of Public Works and Highways (DPWH) sa kantidad mga P 8M.

Gipaningkamotan usab nato nga mahimong hapsay ang mga kadalanan dinhi sa lungsod aron makab-ot nato ang higayon nga muasenso alang sa maayong kaugmaon.