HULYO 2, 2021 – Padayon nga gibansay sa lokal nga panggamhanan sa Quezon, Bukidnon ang mga Barangay Chief Tanod aron mas epektibo sila sa ilang tahas nga mapatuman ang kahapsay ug kalinaw sa matag barangay.

Kahinumduman nga nanumpa sila isip chief tanod kaniadtong May 18, 2021 human sila mipailalom sa pito (7) ka adlaw nga seminar ug training sa Barangay Peace Keeping Action Team/Brgy. Tanod Efficiency Enhancement Training Program.

Tumong niini nga mas maproteksyonan ang mga kabtangan sa katawhan ug matagamtaman ang usa ka malinawon nga komunidad aron padayon ang paglambo sa atong lungsod.