SETYEMBRE 7, 2021 – Padayon nga gibantayan sa atong Municipal Disaster Risk Reduction and Management Office (MDRRMO) ang kahimtang sa mga lugar nga gideklara nga landslide-prone areas karon nga panahon sa tig-ulan.

Sumala sa datos gikan sa Mines and Geosciences Bureau (MGB), ang Brgy. Sta. Felomina, Linabo, Cawayan, San Roque, Lipa, Minongan, ug Kipaypayon anaay mas taas nga risgo sa landslide ug pagbaha gumikan sa sunod-sunod nga ulan.

Gitagaan usab nato og food packs ang tulo (3) ka pamilya sa P-1 ug P-3 Linabo ug unom (6) sa Sitio Cawilihan, Brgy. Sta. Felomina nga naangin sa pag dahili sa yuta sa ilang lugar.

Gipahimangnoan ang tanan nga magamping karong panahon sa ulan. Mahimong ireport ang kakulian sa atong MDRRMO hotline: 0917 844 0397.