ABRIL 14, 2021 – Padayon nga giplanohan ug gipangandaman sa Quezon, Bukidnon Local School Board (LSB) nga gipangulohan ni Mayor “Poling” Lorenzo sa pagpanday og paagi nga mas mapaabot ang edukasyon ngadto sa mga kabataan.

Atol sa ilang panagtigum, gihan-ay nila ang mga pasilidad, ekwipo, ug materyales nga kinahanglan para sa Quezon Bukidnon Comprehensive National High School (QBCNHS) programs.

Gitagaan sab nila og pagtagad ang pagsuta sa mga panginahanglanon sa eskwelahan sama sa repairs, additional buildings, ug uban pa para masiguro nga andam ang atong mga pasilidad nga classrooms nga magamit panahon nga mag-abli na ang klase.