MAYO 15, 2020 – Isip unang lakang sa pagpahan-ay sa pampublikong transportasyon sa Quezon, Bukidnon, gi-profile ang mga operator ug drayber sa mga bao-bao sa Municipal Public Safety Office – Traffic Management Group.

Pinaagi niini, makuha ang datos kung pila ang nanag-iya og bao-bao, ug kung kini sila rehistrado ug adunay lisensya. Kini gipasiugda aron sa padayon nga pagplano aron mapahapsay ang pampublikong transportasyon sa lungsod.

Gi-tahas sa lokal nga gobyerno sa Quezon, Bukidnon, sulod sa administrasyon ni Mayor “Poling” Lorenzo ang pagsiguro sa malinawon ug plastar nga public transport aron magpadayon ang kalamboan.