ENERO 10, 2020 – Atol sa ilang pagbisita sa munisipyo sa Quezon, Bukidnon, gi-dayeg sa lokal nga panggamhanan sa Rosario, Agusan del Sur nga gipangunahan ni Municipal Mayor Jupiter C. Abulog ug Vice Mayor Concordio A. Ocite ang gobyerno sa Quezon sulod sa pagdumala ni Mayor “Poling” Lorenzo.

Apil sab nga nibisita ang ilang mga Sangguniang Bayan members nga si Mars Abulog, Ferdinand Quintana, Armando Hambala, Elsa Cervantes, Rodor Bunilla, Frank Plaza, inubanan sa mga opisyales sa nagkadaiyang departamento.

Gi-abagan ni Mayor Lorenzo ang maong mga bisita sa ilang pag-adto sa Sangguniang Bayan Office ug Session Hall ug sa Municipal Risk Reduction and Management Office (MDRRMO) og gisuta ang mga pamaagi sa impastraktura ug kagamitan.

Sa ilang pagbisita, gidayeg nila pag-ayo ang mga desinyo sa mga imprastraktura, daghang mga sakyanan nga magamit sa emergencies ug apil na ang mga kagamitan sa MDRRMO.