OKTUBRE 19, 2020 – Gihatod na ang 73 ka thermal scanner, 128 ka hand washing facilities, ug 28,759 ka face mask gikan sa lokal nga panggamhanan sa Quezon ngadto sa mga estudyante ug magtutudlo ngadto sa mga DepEd districts sa Quezon, Bukidnon isip pagsuporta sa mga pampublikong tunghaan, aron padayon nga makatuon sa mga estudyante taliwala sa nasinating bahad sa COVID-19.

Malipayon nga gidawat kini sa mga Dep-Ed districts principals, supervisors, ug uban pang magtutudlo sa primary ug secondary school dinhi sa lungsod.

Kahinumdoman usab nga gimugna sa lokal nga panggamhanan sa Quezon, Bukidnon ang mga learning modules para sa 27,802 ka estudyante sulod sa 46 ka mga pampublikong skwelahan sulod sa lungsod, ug magpadayon kini sa hugot nga pagsuporta alang sa kasamtangang mga kabatan-onan, alang sa maayong kaugmaon sa lungsod.