ENERO 21, 2021 – Paningkamotan ni Datu Elmer Lilawan nga mapadayon ang nasugdan nga pag-alagad sa iyang amahan ilabi na sa tribung Lumad.

Mao kini ang mensahe nga gipaabot ni Datu Lilawan, human siya gikumpirma ug gi-install isip Indigenous People’s Mandatory Representative (IPMR) sa Quezon, Bukidnon.

Nanghinaot usab si Datu Lilawan sa paggiya sa iyang mga kauban sa konseho, sa iyang pagserbisyo isip usa sab ka konsehal.

Matod ni Mayor “Poling” Lorenzo, saksi siya, ang Sangguniang Bayan nga gipangunahan ni Vice Mayor Joseph Durotan Sr., ug uban pang mga personahe sa lokal nga panggamhanan sa Quezon sa giingon nga “passing of the torch” sa bag-ong henerasyon.

Gipadayag usab ni Municipal Tribal Chieftain Datu Marcelino Mandanuay ang iyang dakong kalipay nga makapanerbisyo na si Datu Lilawan isip representante sa mga Lumadnong mga lumulupyo sa lungsod.