OKTOBRE 13, 2021 – PAGPALAMBO SA KADALANAN, IPADAYON!

Gihisgutan ni Mayor Poling Lorenzo ug mga kapitanes sa 31 ka barangay sa Quezon, Bukidnon ang mga angay buhaton aron padayong mapalambo ang mga kadalanan sa atong lungsod, atol sa binulan nga panagtigum sa Liga ng mga Barangay.

Sayran nga gitutokan sa adminstrasyon ang pagsiguro sa lapad ug hawan nga dalan, aron sayon nang makasulod ug gawas ang mga tawo og produkto sa kabarangayan.

Gihisgutan sab ang mga lakang aron malikayan ang pagkaylap sa COVID-19 karong umaabot nga Kalag-kalag. Padayon nga ipahigayon ang ticketing system kung diin anaay schedule ang mga katawhan nga moduaw sa mga sementeryo sa ilang mga barangay. Kini aron malikayan ang pagtapok sa daghang tawo ug paghuot sa menteryo.

Sa maong panagtigum, mitungha sab si SINSP Ma. Anjelyn Pornia nga gi-abiabi sa mga Kapitanes sa iyahang pag-abot diri sa Quezon, Bukidnon isip bag-o nga Municipal Fire Marshal.