SETYEMBRE 4, 2020 – Gikalipay sa 250 ka mga Indigent Senior Citizens ang unang hugna sa pagpanghatag sa cash assistance pinaagi sa Local Senior Citizens’ Assistance Program sa lokal nga panggamhanan sa Quezon.

Ang mga nakadawat niining assistance gilangkoban sa katigulangang kabus nga wala ma-lakip sa Social Pension sa nasyonal nga panggamhanan. Makadawat sila og P500 matag bulan aron magamit sa mga pamaliton.

Midawat og kantidad P4,500 ang maong mga beneficiaries niining unang hugna para sa siyam (9) ka bulan nga milabay.

Gitinguha sa lokal nga gobyerno sa Quezon, Bukidnon sulod sa pagdumala ni Mayor “Poling” Lorenzo kini nga programa aron ma-ayudahan ang mga indigent nga senior citizens.

Tipik lamang kini sa sistema sa Social Assistance nga gipalambo ug giplastar sa administrasyong Lorenzo, alayon sa tumong nga walay mabiyaan sa pag-uswag sa lungsod.

Gipangunahan sa mga personahe sa Municipal Social Welfare and Development Office (MSWDO) ang pag distribute sa maong cash assistance.