AGOSTO 12, 2021 – MABUHAY KA, PVT. MARTORILLAS! USA KA KA BAYANI!

Gipaabot ni Mayor “Poling” Lorenzo ang iyang panimbaya kay Pvt. Christian C. Martorillas, usa sa mga nakaluwas sa nahagsa nga C130 plane sa Philippine Air Force kaniadtong Hulyo 4, 2021 sa Brgy. Bangkal, Patikul, Sulu.

Si Pvt. Martorillas usa ka residente sa Pag-asa, Brgy. Salawagan, Quezon, Bukidnon.

Gikalipay sa Quezon, Bukidnon ang pagkaluwas ni Pvt. Martorillas sa trahedya nga nahitabo kaniadtong Hulyo 4, 2021, kung diin nakabsan sa kinabuhi ang 53 ka tawo. Atong giila si Pvt. Martorillas isip usa ka bayani.

Gipaabot usab ang financial assistance gikan sa munisipyo ug sa personal nga pondo ni Mayor Lorenzo ngadto kay Pvt. Martorillas, isip ayuda para sa iyang galastuhon sa tambal ug uban pang panginahanglanon.