HUNYO 12, 2021 – Kinahanglan nato giyahan ang katawhan aron masayod ang tanan kung unsay angay buhaton alang sa kaayohan sa matag-usa, ug dili na mailad ang katawhan sa hiwi nga ideolohiya.

Mao kini ang gipamahayag ni Mayor “Poling” Lorenzo, atol sa simple nga pagsaulog sa ika-123 nga Adlaw sa Kagawasan sa Pilipinas (Philippine Independence Day).

Gipalawuman usab niya ang pagka-independente sa atong nasod. Tungod kay anaa ta sa demokrasya, dapat masiguro nato nga insaktong impormasyon ang moabot sa katawhan aron dili sila malinla ug ma-abusaran.

Gisaulog sa lokal nga panggamhanan sa Quezon ang Adlaw ng Kagawasan pinaagi sa usa ka simple nga seremonyas, diin gilimitahan ang mitambong nga mga personahe sa Sangguniang Bayan, mga opisyales sa munisipyo, kasundalohan, kapulisan, ug kabomberohan.