ENERO 31, 2020 – Pagasugdan na sa gobyerno ang pag-ayo sa Manuto Bridge, pinaagi sa budget nga mokabat P92M nga narekober ni Mayor “Poling” Lorenzo sa iyang pag-followup sa National Economic Development Authority (NEDA) ug Department of Public Works and Highways (DPWH).

Kahinumdoman nga naguba ang maong tulay gumikan sa Bagyong Vinta kaniadtong 2017.

Maka dala og dakong benepisyo ang pag-ayo sa Manuto Bridge. Sa kasamtangan, dili ma-tabok ang sapa, busa kinahanglan pa mo-agi sa Brgy. Salawagan ang mga drayber ug motorista haron lamang nga makasulod sa Manuto.

Kung ma-ayo na kini, dili lamang kini mahimong alternatibo nga agihanan, kung dili sayon na ang pag-gawas sa mga produkto sa mga mag-uuma. Dili na usab mabalaka ang mga tawo kay ma-luwas na sila sa disgrasya samtang ga-tabok sila sa sapa.

Mag-alayon ang DPWH ug ang lokal nga panggamhanan sa Quezon, Bukidnon sulod sa administrasyon ni Mayor Lorenzo alang sa insakto nga pag-implementar sa maong proyekto.