“The vast majority of our people really want that we are together, that want a beautiful town to live in… A town that is prosperous, very comfortable… A town that loves us because we love it. A town we always want to go home to because it’s very nice for everybody.”

Mao kini ang gisaysay ni Mayor “Poling” Lorenzo nga iyang panglantaw alang sa kaayohan ug kalamboan sa Quezon, Bukidnon atol sa iyang interview nga gi-ere sa programang National Briefing News sa Radyo Pilipinas, nga gi-host ni Presidential Communications Operations Office (PCOO) Asst. Secretary JV Arcena.

Sa panahon nga nag atubang ang nasod sa COVID-19, naghiusa ang lokal nga panggamhanan ug mga kapitanes sa 31 ka barangay sa pagsiguro ug pag-andam sa mga isolation facilities, PPE’s, Alcohol, ug mga trainings sa frontliners aron malikayan ang pagkuyanap sa sakit.

Sa karon nga naa nay bakuna, naningkamot ang Municipal Health Office (MHO) sa pagpasabot sa katawhan nga dili mahadlok sa bakuna. Kung ma proteksyonan na ang kadaghanan, ilabi na ang vulnerable nga sektor, mabatonan na ang giingon nga herd immunity.

Gisaysay usab niya nga gawas sa pag andam og pasilidad nga kabutangan sa nagpositibo sa COVID-19, gitukod ang usa ka Community Hospital kung diin pwede moadto ang anaay balatian aron ma checkup, ug kung kinahanglan irefer sa balay-tambalanan nga maka ayo niini.

Wala sab pasagdi ang mga problema sa mga lamok nga makadala og dengue sa tawo. Gimugna ang Pito-pito campaign diin iyabo ang mga tubig nga posibleng itlogan sa mga lamok kada pito ka adlaw sulod sa pito ka semana.

Bisan pa man sa gisagubang nga pandemya, nagpabilin nga andam ang lokal nga panggamhanan sa padayon nga pag implementar sa mga programa ug proyekto nga makapalambo sa ekonomiya sa lungsod.

Gitagaan sab niya og pagtagad ang kagustohan sa katawhan nga adunay merkado nga kompleto, barato, limpyo, ug daghang presko nga produkto diin diri na mapalit tanan mga kinahanglan. Mao kini ang hinungdan nga nahimo ang Quezon Central Market nga gitagaan og pondo ni Sen. Bong Go.

Aduna pud gitukod nga Demo Farm para maka produce og mga liso sa mga utanon nga naay taas og protina aron ipanghatag sa katawhan nga pwede itanom sa likod sa balay. Tudluan sab dinhi ang mga mag-uuma sa mga pamaagi sa pagpatubo og mga tanom ug high-value crops.

Nagpasalamat usab si Mayor Lorenzo sa Probinsyal nga Gobyerno sa Bukidnon, ug iya kining gidasig nga magpadayon sa pagsemento sa mga Provincial Roads aron mas sayon ang transportasyon sa katawhan ug ilang mga produkto. Iya usab gipaabot ang iyang kalipay sa serbisyo sa national nga gobyerno gumikan sa mga lakang niini sa pagsiguro sa kalinaw sa katawhan. Matod niya, dako kaayo ang kabag-ohan sa Quezon sukad nga gipatuman sa kaulohan ang mga programa sa pagbatok sa insurhensiya.

Gipadayag sab ni SK Federation President Leze John Adam Densing ang mga programa sama sa Computer Literacy Program ug Kaabag sa pagSKwela nga makatabang nga mas mapalambo sa mga kabataan ang ilang kahibalo ug makabaton sa competitive advantage.