“Dili pawala sa paglaum. Dili ko kamo biyaan. Dili pa ulahi ang tanan. Commited ako mo-tabang kaninyo, kutob sa akong mahimo.”

Mao kini ang gipadayag ni Mayor Poling Lorenzo atol sa iyang pakighinabi sa 22 ka mga NPA ug kaalyado nga mitahan sa ilang kaugalingon didto sa 88th Infantry Battalion, Maramag, Bukidnon.

Gisaysay niya ang tahas sa iyang administrasyon ngadto sa katawhan nga hatagan og kahigayonan nga molambo, himsog nga panlawas, ug pamuyo nga malinawon ug malipayon.

Gi-awhag usab ni Mayor Lorenzo ang mga hamtong nga kanhi rebelde sa pagtuon, pinaagi sa skills training sa TESDA, ug pag-aghat sa ilang mga kabataan nga ipatungha; kay matud pa kung daghan ang natun-an o kahibalo, dagha pud ang oportunidad.Iya usab paninguhaon nga ma-atiman ang kadalanan, mapadayon ang livelihood program sama sa pagtanom ug mga gulay, pagtanom sa abaka ug pagtanom sa mga kahoy nga mapahimoslan sa uma-abot nga katuigan.

Gihatagan usab sa bugas ug mga de-lata isip inisyal nga ayuda sa Munisipyo sa Quezon, Bukidnon