HUNYO 8, 2020 – Sa iyang pakig-hinabi sa mga opisyales sa Quezon, Bukidnon, gipadayag ni Ruben Dumacatal ang iyang kalipay sa suporta ni Mayor “Poling” Lorenzo ilabi na sa pagpalambo sa Sitio Bangan ug Sitio Gatungon, Brgy. Sta. Felomina, Quezon, Bukidnon.

Matod pa niya, ang administrasyong Lorenzo pa lamang ang naghatag og pagtagad sa mga panginahanglanon sa maong mga Sitio.

Gipa-ambit usab ni Mayor Lorenzo ang iyang tinguha nga matubag ang panginahanglanon sa maong mga Sitio pinaagi sa pagpa-semento sa solar dryer ug sa pag-hatag og hinabang sa panubig.

Mainiton usab nga giabi-abi sa Sangguniang Bayan nga pinangunahan ni Vice Mayor Joseph Durotan ug Councilors Jerly Areja, Jomic Fortich, Nil Bardon, ug Myrna Repalda si Mr. Dumacatal.