ENERO 15, 2021 – Sa iyang pakighinabi sa konseho sa Brgy. Poblacion, gipaambit ni Mayor “Poling” Lorenzo ang iyang tinguha nga ipalambo ang maong barangay aron mahimong mas haruhay pa ang pagpuyo dinhi.

Iya usab giaghat ang mga lideres sa Poblacion, nga gipangunahan ni Punong Brgy. Gregorio Trania, nga sugdan na usab ang ilang plano alang sa mga luna sa barangay.

Gipaabot usab ni Mayor Lorenzo ang balita sama sa mga dugang proyekto nga giplanohan sa munisipyo, sama sa ipatukod nga Civic Arena ug Hawker’s Market, samtang naghatag usab siya og update bahin sa padayon nga pagpahan-ay sa Quezon Central Market.

Kini nga mga lakang gimugna sa lokal nga panggamhanan sa Quezon, Bukidnon alang sa pag-uswag sa lungsod.