ENERO 13, 2021 – Giawhag ni Mayor “Poling” Lorenzo ang mga personahe sa Municipal Public Safety Office (MPSO) sa paghatag sa ilang dedikasyon ug pagmahal sa ilang trabaho pinaagi sa matinud-anon nga pagserbisyo alang sa siguridad sa katawhan.

Kini atol sa iyang paghinabi sa mga lumilihok sa MPSO nga gilangkuban sa Traffic Management Group (TMG), Civil Security Unit (CSU), Municipal Disaster Risk Reduction and Management Office (MDRRMO), ug Local Enforcement.

Gipasalamatan sab sila ni MPSO head Paul Abalde tungod sa ilang dakong tabang nga mapugngan ang pagkuyanap sa COVID-19 dinhi sa lungsod.