ENERO 15, 2021 – Giaghat ni Mayor “Poling” Lorenzo ang mga lideres sa Brgy. Salawagan nga sugdan na ilang mga damgo ug plano aron ganahan ang mga tawo mupuyo sa ilang barangay.

Atol kini sa iyang pakighinabi sa konseho, diin iyang gipaambit kanila ang iyang mga panghuna-huna nga pagahimuon sama sa Hawker’s Market, Park, ug Civic Arena aron mahimong mas malipayon ug aktibo ang katawhan, ug ilang matagamtaman ang hapsay ug bibo nga pamuyo.

Gidugang sab niya nga kinahanglan plastaron na sa konseho ang mga luna ug dalan, ug posible nga parkingan sa mga Public Utility Vehicle (PUV) sama sa bao-bao, multicab, ug motorela alang sa hapsay nga sakayan.