DISYEMBRE 19, 2019 – Sa panahon sa kapaskohan, gi-ambit ni Mayor “Poling” Lorenzo sa mga miyembro sa Quezon, Bukidnon Tribal Federation ang iyang mga pangandoy para sa mga igsuon nga Lumad.

Matod pa niya, angay gyud nga dili kalimtan ang ka-gikan, bisan unsa pa man ang atong maabot sa kinabuhi. Gumikan niini, iyang gipadayag ang plano sa pagpatukod sa usa ka Heritage Hall, kung diin makita ang mga kabtangan nga hinimo sa mga Manobo.

Gipadayag usab niya ang kabililhon sa de kalidad nga healthcare services ug edukasyon ilabi na sa mga Lumadnong tawo. Matod niya, magsumikad ang pag-asenso kung makab-ot kini sa katawhan.

Karon sa hinapos sa tuig 2019, angay lauman sa katawhan ang daghan proyekto sa umaabot nga 2020.